தூங்க போகிறது இரவு...

இரவு நேரங்களில்
ஞாபக பதிவேட்டில் உள்ள
மயிலிறகுகள்
விழித்தெழிந்து
ஆடுகின்றன...

ஒரு காலத்தில்
ஞாபக சக்திக்கு
மருந்து சாப்பிட்ட நான்,
ஞாபக மறதி வேண்டுமாய்
இறைஞ்சி
வேண்டுகிறேன்...

அசரீ சொல்லுகிறது...
தியானம் செய்...
இல்லையேல்
ஞாபக பதிவேட்டில்
எழுதா பக்கங்களை
நிரப்பு...

ரெண்டாவது பரிகாரம்
எனக்கு சுலபம்...
ஆனாலும் பக்கத்தில்
வர தயங்குகின்றன
எழுத்துக்கள்...

அதற்குள்
தூங்க போகிறது
இரவு
எனது தூக்கத்தை
கலைத்து விட்டு...

Thanks to http://www.thinnai.com/?module=displaystory&story_id=30806265&format=html

''அணி'' என்றப் பெயரில் கவிதைக்கான இதழ்....

மும்பையிலிருந்து ''அணி'' என்றப் பெயரில் கவிதைக்கான இதழ் வெளிவந்து கொண்டிருக்கிறது. நன்கொடைகள், சந்தாக்கள் கேட்டகவில்லை படைப்புகள் தாருங்கள். அடுத்த இதழ் தயாரிப்பு ஆயத்தமாகி விட்டது. கவிதைகளும் கவிதைச் சார்ந்த கட்டுரைகளும், நூல் விமர்சனங்கள், விமர்சனங்கள் குறித்த கட்டுரைகள் தொடர்ந்து அனுப்புங்கள். அல்லது இதில் ஈடுபாடுடையவர்களுக்கு இந்தத் தகவலைத் தெரிவியுங்கள்.ஆர்வமானவர்கள் அனுப்பி வையுங்கள். விபரமானவர்கள் விரைந்து செயல் படுங்கள். புரிந்து கொண்டவர்களுக்கு இத்தனை போதுமானது. மேலும் ''அணி'' இதழ் சார்பாக குழந்தைகளின் வாழ்வியலை மையமாகக் கொண்ட சிறுகதைகளை தொகுக்கும் முயற்சியும் உள்ளது.
பங்குத் தொகையாக எதுவுமில்லை. படைப்புகளை மட்டும் தாருங்கள்.
மாதிரி இதழுக்கு எழுதுங்கள்.
படைப்புகள் அனுப்ப வேண்டிய முகவரி:
MADHIYALAGAN SUBBIAH, 10/1-B, TRIVEDI & DESAI CHAWL,D'MONTE LANE, MALAD (W),MUMBAI-400064.PHONE: 09323306677
E-mail: madhiyalagan@rediffmail.com

கவித
எழுத
தெரியாதடி...
உன்னை
சுவாசிக்குற
எனக்கு.

Murugan Subbarayan
Thanks to http://www.vaarppu.com/padam_varikal.php?id=19

கவிதை

ஏமாற்றங்களும்
ஏமாற்றுகிறவர்களும்
பயமும்
மரணத்தோடு
போட்டி போட்டுக் கொண்டு
என்னை துரத்தியப்படி
ஓடுகிறேன்.
அவர்கள்
கால் வலிக்காகவாவது
திரும்பி விடமாட்டார்களா
என ஏங்கி
திரும்பி திரும்பி
பார்த்து ஏமாந்து ஓடுகையில்,
என் கால் வலிக்கு
ஒத்தடமானது
இந்த கவிதை.

Murugan Subbarayan
Thanks to http://www.thinnai.com/?module=displaystory&story_id=30806129&format=html

கவர்ச்சி விளம்பரம்

சோப் விளம்பரத்தில்
நடிகை.
அழுக்கானது
மனசு.

Ambal Murugan